Azərbaycan xalqı uzun müddət münaqişə, müharibə şəraitində yaşayıb. Bu gün də insanlar, uşaqlar partlamamış minaların yaratdığı təhlükə ilə üz-üzədir.

Bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova 1 iyun - Uşaqların Beynəlxalq Müdafiəsi Günü münasibətilə keçirilən "Mənim səsim, mənim hüquqlarım" adlı konfransda çıxışı zamanı deyib.

O qeyd edib ki, Azərbaycan Ermənistanla sülhün əldə olunması üçün bütün səylərini ortaya qoyub.

"2026-2030-cu illər üçün Uşaq hüquqlarının qorunması ilə bağlı Milli Fəaliyyət planının hazırlanması üzərində iş gedir. Həmçinin, Ailə konsepsiyası sənədinin və "Uşaq hüquqları haqqında" qanunun da yenidən işlənməsi üçün imkanlarımız var", - B.Muradova əlavə edib. \\Report.Az