M.Zeynalova müsahibəsində zorakılığa məruz qalan qadınlar, atılan uşaqlar və erkən nikahlarla bağlı maraqlı məqamlara toxunub.

M.Zeynalova qeyd edib ki, bu gün erkən nikah cəmiyyətin başlıca probleminə çevrilib. Müsahibədə qeyd olunur ki, bu kimi problemlər yalnız ictimailəşəndən sonra müvafiq qurumlar hərəkətə keçir.

Müsahibə zamanı gənc qızların erkən nikaha məcbur edilmələri, ailələrin problemə birtərəfli baxışı, yerli icra strukturlarının hərəkətsizliyi kimi məsələlərə də münasibət bildirilir.

Ailə və dövlət olaraq gənc qızların evliliyə hazırlanması mərhələsindəki çatışmazlıqlar, gənclərdə tükənən sevgi, sabit ailə birgəyaşayışı üçün daha nələri etməliyik kimi məsələlər müsahibənin əsas mövzusunu təşkil edir.

Müsahibədə həmçinin zorakılıqda kənar təsirlərin gücü, səssiz yaşanan ömürlər və digər məqamlara toxunulur.