RPA-nın vitse-prezidenti Armen Aşotyan həbsdə qalacaq. Hakim Vahe Dolmazyanın sədrliyi ilə keçirilən antikorrupsiya məhkəməsi müdafiəçilərin vəsatətini rədd edərək, Armen Aşotyanın həbs müddətinin daha üç ay uzadılmasına qərar verib.

Gender.az “Hraparak” nəşrinə istinadən xəbər verir ki, bu gün, yanvarın 8-də Korrupsiyaya Qarşı Mübarizə Məhkəməsində keçirilən məhkəmə iclasında Armen Aşotyanın barəsində seçilmiş həbs-qətimkan tədbirinin dəyişdirilməsi məsələsi müzakirə olunub.

Onun vəkili Ruben Melikyan Aşotyanın 40 AMD girov və zəmanətlə birlikdə alternativ həbs-qətimkan tədbiri kimi ev dustaqlığına buraxılması barədə vəsatət qaldırıb.