Bakı və İrəvan mübahisəli əraziləri necə razılaşdıracaq? - Açıqlama
“Ermənistanla Azərbaycan arasında sərhədlərin delimitasiyası prosesində əsas mübahisəli məsələlərdən biri ərazinin bu və ya digər hissəsinin kimə məxsus olduğunun hansı xəritələr əsasında müəyyən edilməsi idi. Nəhayət, məsələnin həlli barədə Almatıda imzalanmış 1991-ci il bəyannaməsinə uyğun olaraq qərar qəbul edildi. Bu bəyannamə postsovet məkanı dövlətləri üçün əsasdır. Ölkələr bunu başlanğıc nöqtəsi kimi seçdilər. Lakin bu o demək deyil ki, delimitasiya prosesində başqa yanaşmalardan istifadə edilməyəcək”.
Bunu Bakupost.Az-a politoloq İlqar Vəlizadə bildirib.
O əmindir ki, mübahisəli ərazilərin razılaşdırılması prosesində münaqişəli vəziyyətlər yaranacaq, lakin onlar sülh yolu ilə həll olunacaq:
“Məsələn, Azərbaycan-Gürcüstan sərhədinin 30 faizi mübahisəli olaraq qalır. Çünki bu və ya digər sənədlərin şərhində müəyyən fərqlər var. Baxmayaraq ki, Bakı ilə Tbilisi arasında dostluq münasibətləri mövcuddur. Ona görə də bu cür məsələlərdə mübahisələr adi təcrübədir”.
Ekspert tərəflərin vasitəçilərin iştirakı olmadan razılığa gəlməsinin vacibliyini vurğulayıb:
“Əgər biz sülh quruculuğundan danışırıqsa, onda üçüncü tərəflərin iştirakı olmadan ünsiyyət qurmağı və danışıqlar aparmağı öyrənməliyik".
Məktəbli qız siqnal tapançasından açılan atəş nəticəsində gözünü itirdi - AXSAM SAATLARINDA DƏHŞƏTLİ HADİSƏ
65 yaşını keçən müəllimlərlə bağlı rəsmi AÇIQLAMA
Türkiyədə güclü zəlzələ
Azərbaycanda gender-əsaslı zorakılığa qarşı 16 günlük kampaniyaya start verilir
"Şagirdi az olan məktəblərdə distant təhsilə keçməklə bu məktəbləri qorumaq olar" – Fazil Mustafa
Leyla Nuriyeva vəfat etdi
Əli Əsədov bəzi qurumlarla bağlı qərar imzaladı
Hərbi ekspert Ədalət Verdiyev həbs edilib
1 milyon manata yaxın pul tələb edən məşhur tiktoker həbs olundu
