Redaktor seçimi
    Rusiya Hadruta ordu yeritmək istəyir – Lavrovun səfəri və Moskvanın SENSASİON 2 HƏDƏFİ
Xəbər lenti
Reklam
İranda Ramazan ayı ilə bağlı məhdudiyyətlər AÇIQLANIB

İranda Ramazan ayında dini ayinlərin keçirilməsi üçün xüsusi göstəriş verilib.
Bunu İranın səhiyyə naziri  Səid Nəməki bildirib. Nazir virusa yoluxmanı azaltmaq üçün hamını bu xüsusi göstərişi yerinə yetirməyə və  ölkə məscidlərində xüsusi sağlamlıq protokollarının həyata keçirilməsinə çağırıb. 
S. Nəməki qeyd edib ki, Ramazan ayında gündəlik namazlar yarım saat ərzində, minimum insanın iştirakı ilə və açıq havada qılına bilər. 
Həmçinin bildirilir ki, Qədr gecələrində ötən il olduğu kimi, məsafə qorunmaq şərtilə məhdud sayda insanın iştirakı ilə 2 saat ərzində proqram həyata keçirə bilər. 
Xüsusi göstərişdə qeyd olunur ki, koronavirusa görə vəziyyət ağırlaşarsa qadağalar tətbiq olunacaq.  
Səhiyyə Nazirliyi virusun geniş yayılmasını nəzərə alaraq, insanların dini ayinləri evlərində yerinə yetirməyə və televiziya vasitəsilə mərasimləri izləməyə çağırıb. 
Qərargahın göstərişinə görə, Ramazan ayında məscidlərdə iftar süfrələri təşkil olunmayacaq və sadə iftar yeməkləri məscidlərin ətrafındakı yoxsul ailələrə paylanacaq. 
Qərargah bütün məscidlərə sağlamlıq protokollarına əməl etməyə göstəriş verib və sağlamlıq protokollarına əməl etməyən məscidlərə öncə xəbərdarlıq olunacaq və daha sonra əgər yenə qaydaları pozarlarsa, həmin məscidlərin fəaliyyəti dayandırılacaq.
İranda məscidlərdə namaz və ibadət, quran oxumaları və xütbələr canlı olaraq televiziyadan yayımlanacaq.
Qeyd edək ki, aprelin 9-dan İranda koronavirusun dördüncü dağlasının daha da yayılmaması üçün ölkədə zəruri sahələr istisna olmaqla bütün iş yerləri bağlıdır. \\APA

Tarix: 12 aprel 2021
Baxış: 87

Gender.az © Xəbərlərdən istifadə zamanı hiperlinklə istinad olunmalıdır.

Bizi izləyin:
İnstagram: Gender
Facebook: Gender

Telegramda paylaş



{sape_links}{sape_article}

[an error occurred while processing the directive]