Mövzu ilə bağlı News24.az-a danışan Milli Məclisin deputat Fazil Mustafa Akif İslamzadənin sözləri ilə razılaşmadığını deyib.

“Bir sıra tədqiqatçılar düşünür ki, ermənilərin içində xeyli xristianlaşmış türklər var. Bunun hansı qövmə aid olduğunu deməkdə çətinlik çəkirəm. Erməniləri daha çox türkdən dönmə obrazda qələmə verirlər. Bu gün Türkiyənin özündə çoxsaylı erməni var ki, onların türk olduğu iddia edilir. Bu kimi məsələlərdə tarixçilərin müzakirə etməsini daha məqsədəuyğun hesab edirəm. Demək olar ki, ermənilərin əksəriyyəti din amilinə görə özlərini fərqləndiriblər. Qriqoryan kilsəsi xristanlığın içində bir xətt olduğuna görə bu məzhəbdə özlərini ayırıblar. Dini mahiyyətə görə fərqlənəndə etnik kimlik geri planda qalıb. Amma bu arqumenti elmi cəhətdən əsaslandırılmış hesab etmirəm”.

“Son 500-600 ilin tarixinə nəzər salsaq ermənilərin ayrı etnik kimliyi təmsil etdiyinin şahidi olarıq” -deyə, deputat fikirlərini sonlandırıb.