Gender.Az xəbər verir ki, bu barədə erməni mediası məlumat yayıb. Bildirilir ki, bu yaxınlarda Rusiya İrəvandakı səfirliyi vasitəsilə Ermənistanda sorğu keçirib.

Sorğunun nəticələri Rusiya üçün heç də ürəkaçan olmayıb. Ermənistanın Rusiyaya münasibətində biabırçı nəticələr qeydə alınıb.

“Əgər 2018-ci il inqilabına qədər ermənilərin 70 faizindən çoxu strateji tərəfdaşa müsbət münasibət bəsləyirdisə, indi bu rəqəm demək olar ki, iki dəfə azalıb və təxminən 40 faiz təşkil edir”, – məlumatda deyilir.

Bu fakt Kremldə ciddi narahatlığa səbəb olub. Lakin onlar hələlik kəskin tədbirlərə əl atmaq fikrində deyillər. Çünki onlar eyni zamanda ermənilərin Qərbə münasibətini də aydınlaşdırmağa çalışıblar. Və burada ciddi artım olmadığını görəndə rahat nəfəs alıblar.

Sorğulara görə, ermənilərin İrana inam və sevgisi artıb.