Gender.Az bildirir ki, bu fikirləri Demokrat.az-a açıqlamasında Milli Məclisin deputatı Rüfət Quliyev deyib.

 Deputat fikirlərini belə davam etdirib:

“Bəli, bəzi ölkələrin müəssisələrində 2500-3000 adam işləyir, ancaq bu artıq çox böyük istehsalat sayılır. Digər tərəfdən isə siz düşünürsünüz ki, bu gün ölkəmizdə bir çox müəssisələr açılır və az insanların işə götürülməsi, hansısa bir məqsədyönlü formada olunur. Mən bir o qədər elə düşünmürəm. Amma, əgər bu müəssisələrdə dövlətin payı varsa, yaxud da tam dövlətin nəzarətindədirsə, burada təbiidir ki, sual işarəsi yaranacaq. Ümumiyyətlə, mən həmişə təklif edirdim ki, dövlət sahibkarlığı ilə özü məşğul olmamalıdır. Dövlət müəyyən müəssiələri, seqmentləri icarəyə, idarəetmyəə verməlidir. Burada bir ədalət var. Qeyd edim ki, İsveçrə, İspaniya, Fransa, İtaliya, Almaniyanın özü bu yolla gedir. Yəni, hansısa bir müəssisənin, hansısa nazirliyin bir hissəsi adətən, ən azı 25 illik idarəetməyə verilir. Bu da tender yoluyla seçilir. Bu layihədə iştirak etmək istəyənlər tenderi udurlar və onlarla xüsusi müqavilə bağlanır. Neçə işçi olacaq, hansı maaşlar veriləcək, hansı keyfiyyətli xidmət və yaxud məhsul istehsal olunacaq, büdcəyə nə qədər vəsait keçiriləcək və s. bütün bunlar hamısı əvvəldan danışlılır. Ona görə də, birmənalı bazar iqtisadiyyatında tələb etmək ki, insan sayını, qüvvəsi artsın, bu təkamül yolu ilə gedən iqtisadiyyatda mümkün deyil”.

Millət vəkili əlavə edib ki, sahibkarların işinə nə qədər az məmurlar müdaxilə edəcək, bir o qədər də bazar iqtisadiyyatı üçün daha yaxşı mühit yaranacaq. 

“Müəyyən qədər bu sahəyə nəzarət olmalıdır, yəni qida məhsullarıdır, kənd təsərrüfatıdır, bunların keyfiyyəti ilə bağlı. Qiymətə və insanların sayına müdaxilə etmək yaxşı hal deyil. Yaxud da, dediyim kimi, o müəssisələr var ki, dövlətin nəzdindədir və onlar kifayət qədər effektiv işləmir, onları dediyim kimi, 25-40 illik idarəetməyə vermək olar”.