Dişlərin saralması insanların ən çox əziyyət çəkdiyi problemlərdən biridir.

Bunun qarşısını almağın, yaxud saralmış dişləri ev şəraitində ağappaq etməyin 8 yolunu araşdırmışıq.

Hər bir evdə olan soda təbii ağardıcıdır. Bir çay qaşığının  ¼-ni soda və duzla qarışdırıb dişlərinizi təmizləyin. Proseduru həftədə bir neçə dəfə təkrarlayın. Bu qədər az soda emala (mina qatına) ziyan vurmaz.

Yuxarıda qeyd etdiyimiz kimi duzu soda ilə birgə də istifadə etmək olar. Bundan əlavə duzla ağızı yaxalamaqla da dişi ağartmaq olur. Bunun üçün çay qaşığının ½ hissəsinə duz doldurub soyuq su olan stəkanda qarışdırın. Bakteriyaya qarşı olan bu üsul həm də damağa faydalıdır.

Yaşıl alma və çiyələk xeyirli meyvə olmaqdan əlavə ev şərtaitində dişləri ağartmağın ən asan yollarından biridir. Ziyansız olan bu meyvələr dişləri parlaq eduir.

Qırmızı, yaxud çaxır rəngli pomada qadınların təbəssümünü qar kimi bəyaz etməyə kömək edir. 

Pendir dişi ağartmağı ən yaxşı üsullarından biridir. Möhkəm pendirlərin strukturu dişdə qat bağlamış bakteriya, daşları götürməyə də kömək edir. Həmçinin pendir kalsium mənbəyidir.

Əgər həyhatınızı səhərlər kofe, axşamlar isə çaxırsız təsəvvür etmirsinizsə, o zaman hər içdikdən sonra dişlərinizi yumağı unutmayın. 

Britaniyalı stomatoloqlar tövsiyə edir ki, kokos yağı ilə suyun qarışığı ilə ağız yaxalamaq dişləri ağartmağa yardım edir. Bu həm bakeriyalarla mübarizədə yaxşıdır, həm də mina qatını rənglənmədən qoruyur.

Pis vərdişlərdən qurtulmaq, bu halda isə siqareti tərgitmək önəmlidir. Çünki nə qədər çox tütün məmulatlarından istifadə edirsənsə, dişlərin də bir o qədər saralacaq. O zaman isə peşəkar təmizləmələrdən başqa heç nə yardımçın olmayacaq. \\Bizim.Media