Yayda 30 dərəcə və yuxarı istilik damarlarda ateroskleroz problemlərini artırır, tromb yaranma riskini çoxaldır.

Ona görə yay aylarında ürək, beyin damar tutulmaları çox baş verir.

Ürək-damar cərrahı Vladimir Xoroşev yay aylarında 40 yaşdan yuxarı insanlarda tromboz yaranması riskinin artdığını bildirib.

Küçədə nə qədər hava istidirsə, damarlarda tutulma və tromb riski bir o qədər çoxdur.

Həkim bunun qarşısını almaq üçün isti havada çox su içməyi tövsiyə edir. Təzyiq varsa, turşməzə su, limonlu su için.

Qazlı su, şirin su, çay əksinə az içilməlidir.

Çöldə hava 25 dərəcəni keçdisə, 40-45 yaşdan yuxarı hər kəs həmin gün 2 litrdən çox təmiz su içməlidir.

Eləcə də istini tutub saxlayan geyimlərdən uzaq olub, təmiz pambıq, kətan, sərin və geniş geyimlər seçilməldir. Açıq havada şlyapa, kepka, yaylıq və s. baş örtüklərindən istifadə etmək lazımdır. \\Medicina.az