Litvanın paytaxtı Vilnüsdəki “Santara” klinikasının 79 həkimində Pfizer/BioNTech peyvəndi vurulandan sonra koronavirus aşkarlanıb.

Bu barədə klinikanın Yoluxucu Xəstəliklər Mərkəzinin rəhbəri, professor Liqita Yançorene məlumat verib.

“Bunun peyvənd ilə əlaqəli olmadığını söyləmək lazımdır, mümkündür ki, bu insanlar peyvənd zamanı virusa sahib olublar. Peyvənd qeyd sınaqlarına baxdıqda, ilk peyvənd dozasından sonra xəstəlik riskinin cəmi 12 gündən sonra 20 faizə endiyi aydın olur”, - deyə professor vurğulayıb.

 

L.Yançorenenin sözlərinə görə, yoluxanlar mütləq ağır bir koronavirus formasına sahib olmayacaqlar, asimptomatik bir forma da mümkündür. İndi həkimlər yeddi ilə on və ya 14 gün aralıqlarla test edilir. Onların əksəriyyətinin səhhətindən şikayəti yoxdur. \\Aztibb.az