Daim çəkinizi azaltmağa çalışın. Arıqlamaq insulinə həssaslığı artırmaq üçün əla bir yoldur. İlkin bədən çəkisinin 5-10 %-ni itirmək yüksək risk altında olan diabetin qarşısını almağa kömək edir. 200 kiloluq bir adam üçün bu, 10-20 kiloqram kilo itkisinə bərabərdir.

Artıq kilolardan qurtulmaq insulin müqavimətini geri qaytarmaq üçün edə biləcəyiniz ən vacib şeylərdən biridir.

Həyatınızdan idmanı çıxarmayın. Hərəkətsizlik üzündən qidalanma yolu ilə əldə edilən kalorilər bədəndə yağ kimi yığılaraq piylənməyə, piylənmə isə insulin müqavimətinə səbəb ola bilir. Buna görə də gündəlik hərəkətin miqdarını artırmaq çox vacibdir.

İdman etmək hüceyrələri insulinə qarşı daha az dirəncli edən bədən yağının azalmasına və vücudun insulini daha səmərəli istifadəsinə kömək edən əzələlərin inkişafına kömək edir.

Lift əvəzinə pilləkənlə çıxın, ya düşün, avtomobil əvəzinə yaxın yerə piyada gedin və uzun müddət oturmaqdan çəkinin. Hər gün müntəzəm olaraq idman etməyə səy göstərin. Sağlığınızdan asılı olaraq qaçın, templə yürüyün, velosiped sürün, üzgüçülüklə, aerobika ilə məşğul olun.

Əgər vaxtınız azdırsa, həftədə ən azı 3 gün 45 dəqiqə sürətli addımlarla gəzintiyə çıxmağa vərdiş edin.

Az-az və qısa fasilələrlə yeyin. Yemək boşqabına çox yemək qoymayın, az yeyin, amma müəyyən qısa fasilələrlə yenə yeyin. Yüksək kalorili, çox yağlı və ya hazır qəlyanaltılardan uzaq durun.

Maddələr mübadiləsini gücləndirin. İnsulin müqavimətini neytrallaşdırmaq üçün ilk növbədə sağlamlığınıza diqqət etməli və sizə uyğun olan çəkidə olmalısınız. Maddələr mübadiləsini sürətləndirmək üçün hər gün ən azı 8 stəkan su için.

Bu qida maddələrinə diqqət yetirin. Əgər insulin müqavimətiniz varsa, glisemik indeksi yüksək olan, yəni qan şəkərini tez artıran qidalardan uzaq durun. Yüksək glisemik indeksi olan qidalar qanda insulin səviyyəsini sürətlə artırır və insulin müqavimətini artırır.

Daha çox meyvə və tərəvəz yeyin. Meyvə və tərəvəzlər təkcə insulin müqaviməti ilə mübarizə aparmır, onlar həm də həll olunan lifin ən zəngin qaynaqlarıdır, məsələn, alma, ərik, avokado, banan, çiyələk, brokoli, Brüssel kələmi, kök, armud, şirin kartof.

İnsulin həssaslığını artıran bitki və ədviyyat: darçın, çəmən otu, zəncəfil, bibər, zəfəran, zərdəçal, çiyələk, yaşıl çay, fındıq, tum, çuğundur, qara istiot və sarımsaq.

Stresdən uzaq olun. Demək olar ki, hər kəs zaman-zaman stresə məruz qalır və bu, normal haldır. Amma daim stress altında olan insanlarda stress hormonları daha çox ifraz olunur və yüksək insulin müqavimətinin inkişafına da səbəb ola bilir.

Yuxusuz qalmayın. Normal şəraitdə gecələr stress hormonlarının səviyyəsi aşağı düşür. Yuxu çətinliyi ilə bağlı stress də insulin müqavimətinə səbəb olur. İnsulin müqavimətini qırmaq üçün kifayət qədər yatmaq çox vacibdir.

Erkən səhər yeməyi. Saat 8:30-dan əvvəl səhər yeməyi yeyən adamlar günün gec saatlarında səhər yeməyi yeyənlərə nisbətən daha az insulin müqavimətinə malikdir.

Alma sirkəsi istifadə edin. Üzvi alma sirkəsi istehlakı yüksək karbohidratlı yemək zamanı insulin müqavimətini azaldır. \\Saglamolun.Az