Gender.Az xəbər verir ki, həkimlər, alimlər və tədqiqatçılardan ibarət qrup ağciyər xərçəngini erkən mərhələdə dəqiq müəyyən edə bilən süni intellekt modeli yaradıb. Onların fikrincə, bu modeldən istifadə etməklə xəstəliyin diaqnozunu sürətləndirmək və xəstələrin uğurlu müalicə şansını artırmaq olar.

Ümumdünya Səhiyyə Təşkilatının məlumatına görə, hər il təxminən 10 milyon insan xərçəngdən ölür. Ancaq əksər hallarda xəstəlik erkən mərhələdə aşkar edilərsə və xəstə vaxtında müalicə alarsa bu rəqəmi azaltmaq mümkündür.

Mütəxəssislər bildirir ki, tədqiqat hələ ilkin mərhələdədir və səhiyyə sistemində tətbiq edilməzdən əvvəl sınaqdan keçirilməlidir.

Araşdırmanın aparıcı tədqiqatçısı Richard Lee, texnologiyanın xərçəngin erkən aşkarlanmasına kömək edəcəyinə ümid etdiyini söyləyib. Erkən xərçəng diaqnozu qoyulan xəstələrin 5 illik sağ qalma nisbəti gec diaqnoz qoyulanlardan daha yüksəkdir. \\KONKRET.az