Bu sözləri Əməkdar artist Nailə İslamzadə deyib. Məşhur diktor “21 sual” “Youtube” layihəsinin qonağı olarkən maraqlı fikirlər səsləndirib.

N. İslamzadə hələ də onu Akif İslamzadənin həyat yoldaşı kimi tanıdıqlarını bildirib: “Efirə Nailə Uluxanova kimi çıxdım. Ondan 2-3 il sonra İslamzadə oldum. O zamanlar Akif İslamzadəyə görə bu soyad məşhur idi. Hətta Akif bəyin xanımının adı Nailə idi və bir övladı varıydı. Mənim də bir övladım var, hər şey uyğundur. İndi də elə bilirlər ki, mən Sara xanımın gəliniyəm. İndiyədək də bunu düşünənlər var”.

Diktor proqramda qeyd edib ki, çoxuşaqlı ailə arzusu reallaşmayıb: “Hər kəsin ailəsi var və bu, hamının özünə aiddir. Durum, həyat yoldaşımdan danışım və ya şikayət edim? Mənim üçün ayıb olar. Mənim həyatımdır. Müəyyən şeyləri danışmaq olar. Çox övlad istəyərdim, amma Allah birini qismət etdi”. \\Qafqazinfo