Çin Müdafiə Nazirliyinin sözçüsü Vu Qian amerikalı senator Rik Skottun Tayvana səfərini şərh edərkən belə deyib:

“Çin Xalq Azadlıq Ordusu “separatçıların” və xarici qüvvələrin cəhdlərini dayandırmağa hər an hazırdır. Bu, Vahid Çin prinsipinin və Çin-ABŞ kommunikasiya şərtlərinin kobud şəkildə pozulmasıdır”, – deyən Vu Qian belə bir səfərin Çin-ABŞ münasibətlərinə ciddi ziyan vuracağını bildirib.

Bundan əlavə, Çin Müdafiə Nazirliyinin rəsmisi qeyd edib ki, ABŞ-ın atdığı addımlar Tayvan boğazında vəziyyəti gərginləşdirir:

“Çin hər zaman müharibəyə hazırdır, hər an hərbi əməliyyatlara başlaya bilər. Biz suverenliyimizi və ərazi bütövlüyümüzü qətiyyətlə müdafiə edəcəyik. Xarici qüvvələrin rəsmi Pekinin daxili işlərinə qarışmaq cəhdlərini və “separatçı”ların Çindən ayrılmağa yönəlmiş hərəkətlərini dayandırmaq üçün bütün tədbirlər görüləcək”, – Vu Qian fikirlərini tamamlayıb. \\KONKRET.az