“Kimsə bu işdə maraq güdsə ki, iş uzansın, mən də pul qazanım, o zaman iş uzanacaq. Ona görə də əvəllər 1 stansiyanı 10 ilə tikirdilər ki, hamı qazanırdı. Məsələn, 8 noyabr stansiyasına görə Ceyhun Səlimov küçəsi 8 il bağlı qalıb. Bir küçə metroya görə 8 il bağlı qala bilərmi? Bu işi 8 ilə yox, 2 ilə də görmək mümkündür axı. Yəni, belə özbaşınalıqlar olmamalıdır, işlər planlı şəkildə getməlidir. Mütəxəssislər cəlb olunmalı, planlı şəkildə işə başlanılmalı və qarşıya hədəf qoyulmalıdır ki, ildə bir stansiya təhvil veriləcək. Onda deyilən müddətə bu işi başa çatdırmaq olar”.

 

Ekspertin fikrincə, prosesi sürətləndirmək üçün yerüstü metrostansiyalar da tikilə bilər:

“Xəritədə göstərilən bir çox ərazilər neft əraziləridir, yəni haranı qazırsansa, çirkli sular, neft tullantıları və s. çıxır. Ona görə də bir çox ərazilərdə yerüstü metrostansiyalara üstünlük verilsə, yaxşı olar. Qazıntı işi aparmaq, yerin altında qurunt sularının qarşısını almaq, bərkitmə işləri böyük xərc tələb edir. Ondansa konkret bir istiqamətdə evləri plana salmaq, obyektləri sökmək daha əlverişlidir".

 

Sevinc

BakuPost