Qana hökuməti ölkənin üç regionunda quş qripinin yayıldığını bildirib. Xəstəlik nəticəsində 6 min quş tələf olub. Daha 4 min 500 quş xəstəliklə mübarizə çərçivəsində məhv edilib. Qeyd olunur ki, xəstəlik Qananın quşçuluq sektorunda 600 min quşa zərər vura bilər. İnfeksiya ilə əlaqədar Qana regionlar arasında quşların daşınmasını, eləcə də Nigeriya və Toqodan quş idxalını qadağan edib. (Trend)