Kəlbəcərdə xidməti vəzifəsini yerinə yetirərkən mina partlayışı nəticəsində həlak olan AZƏRTAC-ın müxbiri Məhərrəm İbrahimov və AzTV-nin operatoru Sirac Abışovun şəhadətindən artıq 40 gün keçib. Məlum hadisədən xeyli müddət keçməsinə baxmayaraq, hələ də beynəlxalq ictimaiyyət tərəfindən rəsmi İrəvana təzyiq göstərilməməsi onların daha da azğınlaşmasına gətirib çıxarır. İyulun 5-dən 10-dək işğaldan azad edilən ərazilərdə 153 piyada, 29 tank əleyhinə mina və 26 partlamamış hərbi sursatın aşkarlanması belə deməyə əsas verir. Ötən il noyabrın 10-da Ermənistan tərəfindən kapitulyasiya aktının imzalanmasından sonra sözügedən yerlərdə mina partlaması nəticəsində 30-a yaxın Azərbaycan vətəndaşı həlak olub, 100-dən çox insan isə yaralanıb. Bu da öz növbəsində, həmin torpaqlarda yenidənqurma prosesini ləngitməklə yanaşı, məcburi köçkünlərin evlərinə qayıdışını da gecikdirir.
Məlumdur ki, Ermənistan Ağdam, Füzuli və Zəngilan rayonlarının mina xəritələrini erməni əsirlərin təhvil verilməsi müqabilində qaytarıb. Ancaq digər ərazilərin də xəritələrinin verilməsi olduqca əhəmiyyətlidir. Ərazilərin minalardan təmizlənməsinin prosesinin böyük zaman və resurs tələb etdiyini söyləyən ekspertlər bildirir ki, beynəlxalq ictimaiyyət rəsmi İrəvanı minalanmış ərazilərin xəritələrini Azərbaycana verməyə məcbur etməlidir.
Qeyd edək ki, minalanmış ərazilərin xəritələrinin verilməməsi insanlığa qarşı cinayətdir. Bu konteksdə, sözügedən xəritələrin verilməsi isə mülki vətəndaşların bədbəxt hadisələrdən vaxtında qorunmasına şərait yaradacaq.
İlham Mirzəyev “Space”dən niyə gedib?
Təyyarə qəzaya uğradı, sərnişinlərdən xəbər YOXDUR
Azərbaycanda yüksək vəzifəli şəxs qəfil vəfat etdi - FOTO
Bakıda üzünə dolğu etdirən qadının çənəsi əyildi - FOTO
Bu ölkədə güclü zəlzələ oldu
Türkiyənin kəşf edilməyən cənnətləri : Tarixi kəndlər
Bu məktəbin müəllim və şagirdləri məktəbə velosipedlərlə gəldilər
Xatirə İslam kimdir? - Estetik əməliyyatla özünü yenidən yaradan müğənni
Diabet əleyhinə dərman qocalmanı ləngidir
Türkiyədə zəlzələ: Dağıntı və tələfat...
