Bu sözləri Pravda.az-a açıqlamasında sabiq deputat, Vəhdət Partiyasının sədri Tahir Kərimli deyib. 

“Maddi itki bir neçə ildən sonra bərpa oluna bilər, mənəviyyat itkisi üçün isə iki nəsil dəyişməlidir ki, vəziyyət düzəlsin. Axı insanların tərbiyəsi pozulur. Digər yandan da dövlət sisteminə bir sıra zərərlər verilir. Hesab edirəm, çıxış yolu nə "Tik Tok"u bağlamaqdır, nə də özbaşına buraxmaq. Çox güclü müdafiə sistemi qurmaq lazımdır. Azərbaycan mentalitetinə, mənəvi dəyərinə uyğun olmayan paylaşım edənləri cəmiyyətin sağlamlığını və dövlətin dürüstlüyünü qorumaq naminə nəzarətə götürüb, məsuliyyətə cəlb etmək çox vacibdir”, - T.Kərimli bildirib.