Bu barədə erməni mətbuatı məlumat yayıb.

“Serj Sarkisyan bu gün Hayastan Fondunun Himayəçilər Şurasının 31-ci illik iclasında iştirak etməyib, çünki o, bir neçə gün əvvəl Qəyyumlar Şurasına üzv olmaq barədə rəsmi təklifi rədd edib”, – məlumatda deyilir.

Sarkisyanın ardınca, maliyyə şəffaflığının itirilməsi və etimadın aşınması səbəbindən Koçaryan da strukturun qəyyumlar şurasına daxil olmaqdan imtina edib.

Qeyd edək ki, Ermənistan prezidenti Vaaqn Xaçaturyan özünün sədri olduğu qəyyumlar şurasının iclasında “Hayastan” ümumerməni fondunun siyasətdən kənarda qalmalı olduğunu deyib.

““Hayastan” ümumerməni fondu siyasətdən kənarda qalmalıdır. İstənilən milli vəzifələr siyasi simpatiyaları istisna edir. Maliyyə cəhətdən şəffaf olmaq lazımdır”, – prezident bildirib. \\KONKRET.az