Bakı Şəhəri üzrə Təhsil İdarəsi tərəfindən Bakı şəhər ümumi təhsil müəssisələri arasında təşkil olunmuş “Ən yaxşı məktəb saytı” müsabiqəsi qaliblərinin mükafatlandırılma mərasimi keçirildi.
Gender.Az xəbər verir ki, münsiflər heyətinin qərarına əsasən, müsabiqənin 2022-2023-cü tədris ilinin nəticələrinə görə, Xətai rayonu üzrə 86 nömrəli tam orta məktəb qalib seçilib.

Bu münasibətlə məktəb rəhbərliyini, məktəbin müəllim və şagird kollektivini təbrik edir və işlərində yeni-yeni uğurlar arzulayırıq.

Qeyd edək ki, “Ən yaxşı məktəb saytı” müsabiqəsinə 2017-2018-ci tədris ilindən başlanılmış, müsabiqə çərçivəsində hər tədris ili üzrə qaliblər bir dəfə seçilir.