Kolorektal xərçəngdən qoruyur, anemiyadan xilas edir! Qarabaşağın faydaları. 

Qarabaşağın insan orqanizminə faydaları ilə bağlı maraqlı məlumatları təqdim edirik.

Qarabaşağın tərkibi dəmir, kalsium kobalt, kükürd, fosfor, xlor, sink, nikel, ftor, maqnezium, mis, yod, natrium, titan, dəmir kimi mikroelementlərlə, A, E, PP, B qrup vitaminlərlə zəngindir. Bu qiymətli məhsul insanda xoş əhval yaratmaqla yanaşı, yorğunluğu götürür, yuxusuzluğu aradan qaldırır. Orqanizmi xərçəngdən qoruyur.

Qarabaşağın zülal dəyəri olduqca yüksəkdir. Tərkibində böyük miqdarda zülal olduğundan qarabaşağı ətlə müqayisə etmək olar. Lif səviyyəsi yüksək olduğu üçün həzmi asanlaşdırır.

Əgər qlüten həssaslığınız varsa, tərkibində qlüten olmadığı üçün qarabaşağı rahatlıqla istifadə edə bilərsiniz. Seliakiya, yəni həzm sistemi ilə əlaqədar irsi xəstəlik daşıyıcısısınızsa, xüsusi ilə üstünlük verməli olduğunuz dənli bitkilərdən olmalıdır.

Qarabaşağın xolesterolu endirmə xüsusiyyəti var. Ürəyin dostu olan  bu dənli bitki davamlı istifadə edildikdə hipertoniya riskini azaldır. Təzyiq yaranma ehtimalını minimuma endirir.

Daimi piylənmənin qarşısını almaq üçün qan şəkərini hər zaman eyni səviyyədə saxlamaq əhəmiyyət daşıyır. Bunun yolu da ac qalmaqdan yox, doğru qidaları istehlak etməkdən keçir. Bunun üçün qarabaşaq ideal seçimdir.

Qarabaşağın tərkibi sellüloz ilə zəngin olduğundan mədə-bağırsaq xəstəliklərinin müalicəsində də xeyirlidir. Müntəzəm olaraq qarabaşaqdan istifadə etməklə orqanizmdə olan şlakları və digər zəhərli maddələri xaric etmək mümkündür.

Tərkibindəki antioksidləşdiricilər sayəsində kolorektal xərçəng, yəni yoğun bağırsaqlarda bədxassəli yeni törəmələrdən qoruyur. Davamlı qəbul edildikdə xərçəngin qarşısını alır.

Anemiya - qanda hemoqlobinin, yaxud qırmızı qan hüceyrələrinin aşağı düşməsi ilə xarakterizə edilir. Qarabaşağın tərkibində olan maddələr sayəsində qan azlığı aradan qalxır.

Doyumluluq hissi verən diyotalarda ən çox istifadə olunan dənli bitki məhz qarabaşaqdır. Çünki tərkibində yağ yoxdur. Lif səviyyəsi yüksək olduğundan kökəlmənin qarşısını alır. Sağlam arıqlamağın ən əlverişli üsuludur.

Tərkibində olan B1, B3, B5 VE B9 vitaminləri sayəsində güclü saç və dəriyə sahib olacaqsınız. Dəridə yaranan qırışların qarşısını alır. Saçların tez uzanmasına təkan verir.

Qarabaşaq qaraciyərə də müsbət təsir göstərir, onun fəaliyyətini yaxşılaşdırır.

Bir sözlə, gündəlik qida rasionunuza qarabaşağı əlavə etsəniz, daha sağlam yaşayarsınız. \\Medicina.az