Xəbər lenti
Reklam
Çingiz Qənizadə keçmiş deputatla bağlı söhbətlərə AYDINLIQ GƏTİRDİ
 
“Sosial şəbəkələrdə erməni vətəndaşlarına “Karmen” adlı unun göndərilməsi fotoları yayılıb. Paylaşıma baxdım və burada qeyri-adi bir şey yoxdur”.
Gender.az bildirir ki, bu barədə Modern.az-a Demokratiya və İnsan Hüquqları Komitəsinin sədri, hüquq üzrə fəlsəfə doktoru, sabiq deputat Çingiz Qənizadə deyib.
Çingiz Qənizadənin sözlərinə görə, məsələdə adı hallanan keçmiş deputat  Əsabil Qasımovla 10 il  birlikdə İmişlinin millət vəkili olub:
“Əsabil müəllim olduqca ləyaqətli, dəyərli və vətəninə bağlı bir insandır. Sahibkarlıq fəaliyyəti var idi. Millət vəkili olan zaman fəaliyyətini dayandırıb, ailə üzvlərinin birinə həvalə etdi. Amma mənim bildiyimə görə, Gürcüstanda da un istehsalı ilə məşğul olurdu. Daha dəqiq desəm “Karmen” unu Gürcüstanda istehsal olunur. Gürcüstan bazarının 50 faizini “Karmen” unu təmin edir. Yerli bazarda satılan unun hansısa şəxs tərəfindən alınıb, başqa yerdə satılmasına görə heç kim məsuliyyət daşımır”.
Demokratiya və İnsan Hüquqları Komitəsinin sdəri bildirib ki,  Əsabil müəllimin sahibkar olaraq tək Gürcüstanda yox, Qazaxıstanda, Rusiyada da biznesi var:
“Bu paylaşım o demək deyil ki, Əsabil müəllim istehsal etdiyi malları Ermənistana satır. Bazarda topdansatış anlayışı var. Gürcüstan bazarından ermənilər tərəfindən un alınaraq, Ermənistan ərazisi vasitəsi ilə Dağlıq Qarabağda olan mülki ermənilərə satılır. Əgər “Karmen”in Ermənistanda nümayəndəliyi olsaydı, öncə mən öz iradımı bildirərdim. Bizə birlik lazım olan zamanda bunu etmək olmaz.
Allah xalqımızı, ordumuzu, Ali Baş Komandanımızı qorusun”.
Tarix: 24 noyabr 2020
Baxış: 109

Gender.az © Xəbərlərdən istifadə zamanı hiperlinklə istinad olunmalıdır.

Bizi izləyin:
İnstagram: Gender
Facebook: Gender

Telegramda paylaş



{sape_links}{sape_article}

[an error occurred while processing the directive]