Vətənpərvər mahnıların ifaçısı Rəşad İsmayılın “Червона Калина” mahnısının çəkilişləri başa çatıb. Müğənni Rəşad İsmayıl deyir ki, musiqini Ukraynaya dəstək məqsəd ilə ifa edib. O, musiqini Ukraynanın konstitusiya günündə ərsəyə gətirib. Klip Bakıda çəkilib.

Qeyd edək ki, musiqi 1914-cü ildə Ukraynanın tarixinə həsr edilən tamaşa üçün bəstələnib və marş xarakteri daşıyır. Daha sonra musiqi yeni formatda dinləyicilərə təqdim edilib. Musiqidə ukrayna xalqının şücaətindən bəhs edilir. Mahnı ukraynalıların azadlıq himninə çevrilib və müxtəlif dillərdə ifa edilib.