BDU-nun Mətbuat Xidmətindən Gender.az-a verilən məlumata görə, Zaur Əliyev səs çoxluğu ilə fakültənin dekanı seçilib.

Qeyd edək ki, Əliyev Zaur Hümbət oğlu 29 yanvar 1980-ci ildə Bərdə şəhərində anadan olub.1996-cı ildə Bakı şəhəri 132 saylı orta məktəbi, 2000-ci ildə Bakı Dövlət Universiteti, "Beynəlxalq münasibətlər və beynəlxalq hüquq" fakültəsinin "Beynəlxalq hüquq" ixtisası üzrə bakalavr pilləsini, 2002-ci ildə həmin fakültənin magistratura pilləsini fərqlənmə diplomu ilə bitirib.

2005-ci ildə həmin universitetin “Beynəlxalq hüquq” ixtisası üzrə qiyabi aspiranturasına qəbul olub, 2009-cu ildə aspiranturanı bitirib və "Avropa İnsan Hüquqları Məhkəməsinin yuris diksiyası" mövzusunda dissertasiya işi müdafiə edib. Dissertasiya işinə dair bir sıra xarici ölkələrin ali təhsil müəssisələrindən (ABŞ-ın Pensilvaniya Universiteti, Rusiya Federasiyası Xarici İşlər Nazirliyinin Diplomatik Akademiyası, Moskva Dövlət Beynəlxalq Münasibətlər İnstitutu, Rusiya Xalqlar Dostluğu Universiteti, Kazan Dövlət Universiteti, Saratov Dövlət Universiteti, Kemerovo Dövlət Universiteti və s.) müsbət rəylər daxil olub. Azərbaycan Respublikasının Prezidenti yanında Ali Attestasiya Komissiyasının 1 iyun 2011-ci il tarixli qərarı ilə hüquq üzrə fəlsəfə doktoru elmi dərəcəsi alıb.

2003-2005-ci illərdə Azərbaycan Respublikası Silahlı Qüvvələrində zabit kimi həqiqi hərbi xidmətdə olmuşdur. Beynəlxalq hüququn və insan hüquqlarının aktual problemlərinə həsr olunan məqalələri mütəmadi olaraq ölkədaxili və beynəlxalq elmi jurnallarda (Moskva Beynəlxalqhüquq Jurnalı, Rusiya Beynəlxalq Hüquq İllik Məcmuəsi, Avrasiya Hüquq Jurnalı və s.) çap olunur. Xarici ölkələrdə Avropa İnsan Hüquqları Məhkəməsinin fəaliyyətinə dair çap olunan bir sıra məqalələri Strasburqda Avropa İnsan Hüquqları Məhkəməsinin kitabxanasında saxlanılır. Beynəlxalq hüquq və insan hüquqlarına dair 50-dək elmi əsərin (dərsliklər, dərs vəsaitləri, məqalələr və s.) müəllifi, həmçinin 2011-ci ildə Moskvada çap olunmuş “İnsan hüquqlarının beynəlxalq və dövlətdaxili müdafiəsi” adlı dərsliyin (Между на родная и внутригосударственная защита прав человека. Учебник. Москва, Статут, 2011. - 830 с.) həmmüəlliflərindən biridir.

Müxtəlif ölkələrdə beynəlxalq hüquq və insan hüquqlarının müasir problemlərinə həsr edilmiş 40-dək beynəlxalq forum və konfranslarda məruzə ilə çıxış etməklə iştirak edib. Avropa İnsan Hüquqları Məhkəməsi 7 Bakı Dövlət Universitetinin Hüquq fakültəsində bakalavr və magistratura səviyyələrində “İnsan hüquqları” fənnini tədris edib. 2002-ci ildən Rusiya Beynəlxalq Hüquq Assosiasiyasının üzvüdür. 4 iyul 2008-ci ildə beynəlxalq hüquq və insan hüquqlarının inkişafı və təbliğində səmərəli fəaliyyətinə, Azərbaycan Respublikası ilə Rusiya Federasiyası arasında elmi əlaqələrin inkişafında xidmətlərinə görə Rusiya Elmlər Akademiyası və Rusiya Beynəlxalq Hüquq Assosiasiyası tərəfindən fəxri fərmanla təltif edilib.