“Hazırda əksər ölkə Rusiyanın tutduğu təcavüzkar mövqeyə görə ona qarşı gəlir. Rəsmi Moskvanın başında duran iqtidar xalq iradəsindən ziyadə hansısa bir mafiya qrupu kimi davranır. Onun atdığı addımlar sadəcə bir qrupun mənafeyinə hesablanıb. Bu addım özlüyündə Rusiya dövlətinin maraqlarınada ziddir. Çünki Rusiya dövlət olaraq beynəlxalq təşkilatlara üzvdür.Ukraynaya hücumu isə göstərdi ki, Rusiya yalnız sözdə beynəlxalq hüququ, ölkələrin suverenliyini tanıyır”.

 

 

“Azərbaycan, Ukrayna, Rusiyanın sərhəddində yaşayan bütün xalqlar 200 ilə yaxındır ki, işğala məruz qalır. Bunu edən də rus şovinizmidir. Bizim ölkə vətəndaşlarımız da durumun fərqindədirlər.

 

Hər kəs çox yaxşı anlayır ki, bu gün Ukraynanın başına gətirilənlər Rusiyanın marağında olarsa, gələcəkdə onların da başına gətiriləcək. Bu səbəbdən də insanlar işğalçının dünyada hegemonik gücə  tam çatmadan məhv olunmasını istəyirlər”.

 

 

“Xalq görür ki, bu, birmənalı olaraq Putinin öz şəxsi eqosunu təmin etmək duyğusudur. Ona görə də bütün xalqlar buna qarşı çıxır. Tarixdən də bildiyimiz kimi son sözü hər zaman xalqlar deyir. Şəxslər gəldi-gedərdir. Putinin qurduğu  sistem də bir gün biabıçı şəkildə məğlubiyyətə düçar olacaq”.