"Sərt karantin dövrlərini Azərbaycan iqtisadiyyatı, Azərbaycan sahibkarı görüb. Karantin dövründə işləmə qaydalarına da adaptasiya olunub. Onlayn satışlar, uzaq məsafədən işləmə texnologiyaları və s. Bunlar Azərbaycan sahibkarları üçün 2 il bundan öncəki kimi çətin sınaq olmayacaq".
Gender.az bildirir ki, bu sözləri Yenisabah.az-a açıqlamasında iqtisadçı Xalid Kərimli söyləyib.
Onun sözlərinə görə, artıq müəyyən vərdişlər formalaşıb:
"Sərt karantindən əziyyət çəkən spesifik sektorlar var. Məsələn, iaşə, otel və turizm sektoru. Sərt karantin olsa, bu sahələr yenidən çox çətin dövr keçirəcəklər. Onlar üçün daha ciddi problemlər yarana bilər.
Qapanma vaxtı hökumət büdcədən karantinə göndərilən şirkətlərə əmək haqqı və vergi üzrə güzəştlər verir. Bu isə büdcə üçün əlavə yükdür. Həm gəlirlər itirilir, həm də büdcə xərcləri artır. Hazırki dönəmdə sərt karantinə keçid iqtisadiyyata çox ciddi zərər vura bilər.
Son statistikaya və hökumətin davranışına baxanda görürük ki, iqtisadiyyatda makro səviyyədə sərt karantin olacağı gözlənilmir. Bu məsələlər şirkətlərin öz ixtiyarına buraxılır. Ümumi şəkildə hər kəsin karantinə keçməsi gözlənilmir. Çünki əhəmiyyətli peyvənd prosesi gedir. Eyni zamanda, yeni ştammların əvvəlki kimi təhlükəli olmadığı da bəllidir.
Bütün bu məsələləri nəzərə alaraq, hökumətin iqtisadiyyat subyektləri üçün əlavə problemlər yaradacağı gözlənilmir. Bu, çox ciddi əlavə ziyanlara gətirib çıxara bilər. 2020-ci ildə ölkə iqtisadiyyatı 5%-ə yaxın gerilədi. Büdcə xərcləri bu istiqamətə yönəldi. Şirkətlər satışlarını, dövriyyələrini itirdilər. Bu aspektdən yenidən sərt karantin olacağı ağlabatan deyil. Baş verərsə, karantin məhdudiyyətlərinə həssas olan sektorların ciddi əziyyət çəkəcəyini gözləmək olar".
Yaponiyada qrip epidemiyası yayılıb
Dünyanın ən populyar 5 kitabı
Xalq artisti palataya köçürüldü
Avtomobil bazarında bu maşına tələbat artdı: "Dəmir tabutlar"ın bahalaşma səbəbi budur... FOTOLAR
İki gün əvvəl yol qəzasında həyatını itirən polis mayorunun FOTOSU
Əməkdar artistin gəlininin Bakı metrosunda bu hərəkəti GÜNDƏM OLDU + VİDEO
Plastik əməliyyat zamanı ölən fenomenin qardaşı danışdı: 300 minlik əməliyyatı...
Bu ərazilərdə qaz olmayacaq
"Allah canınızı sağ eləsin, mənə sual verməyin" - Zaur Hüseynov
İlan ilinin o birilərdən fərqləri nədir?
