Bunu Rusiya Xalqlar Dostluğu Universitetinin dosenti, siyasi jurnalist Anar Həsənov deyib.

O bildirib ki, revanşistlərin hakimiyyətə dönüşü sərhədlərin müəyyən edilmədiyi mübahisə obyekti olan torpaqlarda Azərbaycan bayrağının ucaldılmasına səbəb olacaq:

“Nəinki Türkiyə ilə Ermənistan arasında aviauçuşların bərpası, hətta Paşinyanın nəzərdə tutulanTürkiyə səfəri Ermənistan müxalifətinin iğtişaşları üçün ciddi əsas deyil, çünki “Qarabağ klanı” dönəmində də Sürix sövdələşmələri, “futbol dilomatiyası” baş vermişdi. Paşinyan höküməti sabiq hökümtin atdığı addımları təkrarlayır. Amma bu cəhdlər başqa geosiyasi reallıqda və məğlub dövlətin rəhbəri kimi həyata keçirilir. Düşünürəm ki, bu mövzular ətrafında virtualda Paşinyana qarşı infomrasiya kampaniyası davam edəcək.

Türkiyə ilə Ermənistanın münasibətlərinin tənzimlənməsinə gəldikdə isə mən nikbinlik bölüşmürəm. Son cəhdlər də müvəqqətidir. Yəni, sərhədlərin açılışı, diplomatk münasibətlərin qurulması, işğalın tam bitməsi ilə mümkündür. Ermənistan müstəqil dövlətdir və müstəqil olduğu dövrdə Moskvanın yaxud başqa dövlətin təkidi ilə süni şəkildə Türkiyə ilə dostluq və əməkdaşlıq haqda müqavilə imzalana bilməz. Çöldə 1921-ci ilin sentyabrı deyil ki, 3 Cənubi Qafqaz ölkəsi Moskvanın təkidi ilə Kazım Karabəkirlə müqavilə bağlasın. Hərçənd ki, sözügedən tarixi müqavilə Azərbaycandan başqa həm Sovet Ermənistanının, həm də Gürcüstanın iddialarına zidd idi.

Əslində Ermənistanda Paşinyanın devrilməsi Azərbaycan üçün münbit şərait yaradır. Hər halda Paşinyan revanşizmdən uzaq bir siyasətçidir. Revanşistlərin hakimiyyətə dönüşü sərhədlərin müəyyən edilmədiyi mübahisə obyekti olan torpaqlarda Azərbaycan bayrağının ucaldılmasına səbəb olacaq. Mən Naxçıvana qədər silah gücü ilə açılacaq eni eynən 5-7 km olan Laçın dəhlizinə bənzər dəhlizi də istisna etmirəm. Münasibətlərin güzgülü xarakter daşıması məncə ədalətlidir. Bizim suveren ərazimiz dəhliz kimi istifadə edilirsə, bu prinsipi biz niyə tətbiq etməyək. Odur ki, Paşinyanın devrilməsi və onun ardınca daşnak yığını öz təkəbbürlü hərəkətləri ilə əslində Azərbaycana xidmət etmiş olacaqlar”. \\Milli.az