Ermənistanın Baş naziri Nikol Paşinyanın son müsahibələrində Türkiyə ilə münasibətlərin normallaşması, Azərbaycanla sərhədlərin müəyyənləşdirilməsi və Qarabağ mövzusunda söylədiyi fikirlər ölkənin siyasi dairələrində birmənalı qarşılanmayıb.

Xüsusilə də Paşinyanın Ermənistanla Azərbaycanın hələ 1992-ci ildə bir-birinin ərazi bütövlüyünü tanıdığına dair söylədikləri müxalif siyasi düşərgədə etirazlara səbəb olub.

Respublikaçılar Partiyasının sədr müavini Armen Aşotyan Baş nazirin son çıxışlarını tənqid edərək, Paşinyanın Qarabağ mövzusunu unutdurmağa çalışdığını bildirib və hətta qeyd edib ki, o, Rusiya hərbi kontingentinin Qarabağda qalmasında belə bir o qədər maraqlı deyil: “Paşinyan Rusiya sülhməramlılarının mandatının uzadılmasına təkid etməyə bilər. O, artıq bir neçə aydır bu barədə danışır. Dünən Nikol bir daha göstərdi ki, onun siyasətinin məqsədi Qarabağın heç vaxt ermənilərin olmayacağı fikrini aşılamaqdır.” \\AzPolitika.info