Qadağanın məqsədi, balıq sektoruna təsiri haqqında ekoloq Rövşən Abbasov Referans.Az-a verdiyi açıqlamasında danışıb.

“Balıq ovuna qadağa qoyulmasının əsas səbəbi son 20 ildə Azərbaycanda balıq istehsalının kəskin azalmasıdır, demək olar ki, heç olmamasıdır. Xüsusən də, bu nərə və kilkə balıqlarına aiddir. Düzdür, bu balıqların azalmasına təkcə ov təsir etmir, digər məsələlər də təsir edir. Məsələn, balıqların kürü tökmə yerlərinin yoxa çıxması, dənizin temperaturunun artması, beləliklə də, dənizdə həll olmuş oksigenin azalması və s.”.

“İnanıram ki, bu qadağa olduqca müsbət bir addımdır. Gələcəkdə həm də Xəzərə tökülən çayların ekoloji axınının bərpa olunmasının vacib olduğunu da hesab edirəm. Bu zaman balıqların kürü tökmə yerləri də sağlam olacaq ki, bu da balıq sənayesinin inkişafına öz töhfəsini verəcək”.