Elm və Təhsil Nazirliyi tərəfindən həyata keçirilən sertifikatlaşdırmanın təşkili üçün sədr də daxil olmaqla 7 üzvdən ibarət Təhsilverənlərin Sertifikatlaşdırılması Şurası yaradılıb.

Sertifikatlaşdırma Şurasının sədr və üzvləri elm və təhsil naziri tərəfindən təyin olunub.

Sertifikatlaşdırma Şurası aşağıdakı işləri təşkil edir:

- sertifikatlaşdırmanın aparılmasına cəlb olunmuş mütəxəssislərin vəzifə bölgüsünü müəyyən edir;

- sertifikatlaşdırmanın test mərhələsinin suallarının və müsahibə mərhələsi üçün qiymətləndirmə meyarlarının hazırlanmasını təmin edir;

- sertifikatlaşdırmanın keçirilməsi ilə bağlı proqram təminatının hazırlanmasına nəzarət edir;

- müsahibə komissiyalarının tərkibinə dair Nazirliyə təkliflər təqdim edir;

- sertifikatlaşdırmanın aparılmasını təşkil edir;

- sertifikatlaşdırmaya cəlb edilməsi nəzərdə tutulmuş təhsilverənlərin siyahısını təsdiq edir;

- sertifikatlaşdırmanın nəticələrini Nazirliyə təqdim edir.

Bəs hazırda Sertifikatlaşdırma Şurasına kim rəhbərlik edir, quruma hansı üzvlər daxildir?

Gender.Az xəbər verir ki, "AzEdu.az" Sertifikatlaşdırma Şurasına daxil olan vəzifəli şəxslərin adlarını açıqlayıb.

Onlar aşağıdakı şəxslərdir:

 

Həsən Həsənli - Azərbaycan Respublikası elm və təhsil nazirinin müavini

Şuranın üzvləri: 

Fərzəli Qədirov - Elm və Təhsil Nazirliyinin Aparat rəhbərinin müavini;

Eşqi Bağırov - Elm və Təhsil Nazirliyinin Aparat rəhbərinin müavini səlahiyyətlərini müvəqqəti icra edən, İnsan resursları şöbəsinin müdiri;

Simuzər Feyzullayeva - Elm və təhsil nazirinin müşaviri;

Elnur Əliyev - Elm və Təhsil Nazirliyinin Ümumi və məktəbəqədər təhsilin təşkili və idarəolunması şöbəsinin müdiri;

Rüfət Əzizov - Azərbaycan Respublikası Təhsil İnstitutunun direktoru;

Vüsal Xanlarov - Təhsil Sisteminin İnformasiyalaşdırılması İdarəsinin rəisi.