Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2019-cu il üçün elan etdiyi 1-ci qrant müsabiqəsi çərçivəsində qalib olan “Mədəniyyətin və Milli Ənənələrin Təbliği” İctimai Birliyi layihəsi çərçivəsində eyniadlı sənədli filmin çəkilişlərini yekunlaşdırıb.
Ümummilli lider Heydər Əliyevin 14 iyul 1969-cu ildə Azərbaycanda hakimiyyətə gəlməsinin 50-ci ildönümünə həsr olunan sənədli filmdə millət vəkilləri, tanınmış ictimai xadimlər öz xatirələrini və fikirlərini bölüşüblər. Yaradıcı heyət millət vəkilləri Flora Qasımova, Elman Məmmədov, Aqil Abbas, Elman Nəsirov, Musa Qasımlı, Xocavənd Rayon İcra Hakimiyyətinin başçısı Eyvaz Hüseynovdan müsahibələr alıb.
“Mədəniyyətin və Milli Ənənələrin Təbliği” İctimai Birliyinin sədri, layihənin rəhbəri Büllur Məmmədova bildirib ki, bundan sonra sənədli filmin ssenarisi müsahibələrlə uyğunlaşdırılacaq. Bu işlər yekunlaşandan sonra isə montaj prosesinə başlanacaq.