Redaktor seçimi
    Cinayəti etiraf edən oğrular həbs edilmədi - MASALLI POLİSİ OĞRULARLA ƏLBİR OLDU
Xəbər lenti
Reklam
Bu gün “8 Marş-Susa bilmirik” etiraz aksiyası keçirilib - FOTOLAR

Bu gün Bakıda bir qrup feminist fəal  "8 Marş-Susa bilmirik" adlı yürüş keçirib. 
 
Aksiya saat 15:00 radələrində baş tutub. Əllərində şüarlar yazılan plakatlar tutmuş fəalların yürüşü Baknın Nizami küçəsindən  başlayaraq  Xurşudbanu Natəvanın heykəlinin qarşısında başa çatıb. Yürüşün təşkilatçılarının facebook səhifəsində yaydığı bəyanatda bildirib ki, yürüşün məqsədi gender əsaslı zorakılıq və qətllərə diqqəti çəkməkdir. Aksiya iştirakçıları "Eşit evdən səsləri vaxtında et həbsləri”, "Barışdırma araşdır”, "Qadın qətlləri siyasidir” şüarlarını səsləndirib. 

Yürüş iştirakçıları aşağıdakı tələbləri irəli sürüb:
 - Qadınlara qarşı zorakılıq və qətllərin qarşısını almaq üçün effektiv tədbirlər həyata keçirilsin!

- Qadınlara qarşı baş verən cinayətlər qanunauyğun və ədalətli şəkildə araşdırılsın və cinayətkarlar məsuliyyətə cəlb olunsun!

- İstanbul Konvensiyası qəbul edilsin!

- Qadınların şəbəkələşməsi, birləşməsi və mübarizəsi üçün bütün maneələr aradan qaldırılsın!

- Gender və cinsi oriyentasiyasından asılı olmayaraq, hər kəsin bərabər hüquqları təmin edilsin!
30 dəqiqə  çəkən aksiyanın sonunda  yürüş iştirakçıları bəyanat səsləndirdilər. 
 
 
2021-ci ildə Azərbaycanda 160 qadın zorakılığa məruz qalıb, 97 qadın intihar edib, onlardan 73- ü öldürülüb.  2021-ci ildə qeydə alınan məişət zorakılığı cinayətləri 2020-ci ildəkindən  19% çoxdur .

Azərbaycanda 8 Marş yürüşləri 2019-cu ildən keçirilir və bütün yürüşlərdə iştirakçılar qadın qətllərinə,  gender əsaslı zorakılığa etiraz edərək İstanbul konvensiyasının qəbul edilib ölkədə tətbiq edilməsini, qadınlara qarşı baş verən cinayətlərin ədalətli araşdırılmasını və zorakılığın qarşının alınması üçün effektiv tədbirlərin görülməsini tələb ediblər.
 
8 mart dünyada Beynəlxalq Qadınlar günü kimi qeyd edilir. Bu günün tarixçəsi qadınların öz hüquq və azadlıqları uğrunda mübarizəsi, gender bərabərliyi, reproduktiv hüquqlar, qadınlara qarşı zorakılıq və sui-istifadə kimi məsələlərə diqqəti cəlb etməklə bağlıdır. Həmçinin bu gün qadınların istər siyasi, istər mədəni, istər sosial, istərsə də iqtisadi həyatın bütün sahələrində əldə etdiyi nailiyyətlərin qeyd olunmasına həsr olunub.

Belə ki,8 mart ilk rüşeymlərini 1908 ci il New Yorkda 15.000-dən çox qadının iştirak etdiyi yürüşdən götürüb. Bu yürüşün iştirakçları  qadınlara daha az iş saatları, daha yaxşı gəlir və qadınların da səs-vermə hüququnun verilməsini tələb edirdi. 

1910-cu ildə Kopenhagendə qadın hüquqları müdafiəçisi Klara Setkin Əməkçi Qadınların Beynəlxalq Konfransında Beynəlxalq Qadınlar günü ideyasını irəli sürdü. Həmin konfransda 17 ölkəni təmsil edən 100 nümayəndə qadınların seçki hüququ da daxil olmaqla bərabər hüquqlarının təmin edilməsi ideyasını dəstəklədi. .

Növbəti il, 1911-ci il martın 19-da ilk Beynəlxalq Qadınlar Günü bir milyondan çox insanın iştirakı ilə Avstriya, Danimarka, Almaniya və İsveçrədə qeyd olundu.

Birləşmiş Millətlər Təşkilatının Baş Assambleyası 1977-ci il dekabrın 16-da 8 martın Beynəlxalq Qadınlar Günü kimi keçirilməsini qəbul və təsdiq etdi.
 




























 
Səkinəxanım Məmmədova

Anews.az

Tarix: 08 mart 2022
Baxış: 179

Gender.az © Xəbərlərdən istifadə zamanı hiperlinklə istinad olunmalıdır.

Bizi izləyin:
İnstagram: Gender
Facebook: Gender

Telegramda paylaş



{sape_links}{sape_article}

[an error occurred while processing the directive]