Bəzi sosial şəbəkə istifadəçiləri bildirib ki, binanın fasadı tez-tez çirklənməsin deyə, qara boya ilə rənglənib. Yasamal rayonu, Kazım Kazımzadə küçəsində yerləşən yaşayış binasının bu rəngdə boyanma səbəbi məlum deyil. 

Binada yaşayan sakinlərdən biri  açıqlamasında bildirib ki, binanın fasadının təzələnməsi barədə qərarı sakinlər özləri verməyib:

Yasamal Rayon İcra Hakimiyyəti ərazidə yerləşən binanın fəsadının qara rəngə boyanması ilə bağlı yayılan xəbərə münasibət bildirib.

Qurumdan bildirilib ki, rayonun Kazım Kazımzadə küçəsində yerləşən bina Mənzil Tikinti Kooperativinə (MTK) aiddir: “Bina Yasamal Mənzil Kommunal Təsərrüfatı Birliyinin balansında deyil. Binanın fasadının təzələnməsi barədə qərarı sakinlər özləri veriblər. Bina sakinlərinin fasadın rəngi ilə bağlı ümumi qərarı onların seçimi olub və müvafiq iş onlar tərəfindən həyata keçirilib”.

“Yasamal Rayon İcra Hakimiyyətinin nümayəndələri müvafiq MTK rəhbərliyi ilə əlaqə saxlayıb və binanın fasad rənginin şəhərin ümumi görünüşünə uyğun olmadığına dair öz iradını bildiriblər”, - deyə qurumdan qeyd edilib.

Mənbə: Oxu.az