Rusiya prezidenti Vladimir Putini doğum günü münasibətilə təbrik etmiş ukraynalı deputat ziddiyyətli bəyanatlar səsləndirib.

Ukrayna Ali Radasının “Həyat uğrunda – Müxalifət platforması” partiyasından olan deputat İlya Kiva Rusiya prezidenti Vladimir Putini doğum günü münasibətilə təbrik etdiyi üçün partiyadan qovulduğunu bildirib.

Kiva bu barədə qərarın sözügedən partiyanın Poltavada baş tutan toplantısında qəbul edildiyini deyib. Deputat iddia edib ki, onun qovulmasının əsas təşəbbüskarı partiyanın həmsədri Yuri Boyko ilə Prezident Administrasiyasının sabiq rəhbəri Sergey Levoçkin olub.

Lakin bu açıqlamadan bir neçə saat sonra yeni videomüraciət yayımlayan Kiva partiyadan qovulması haqda dediklərini inkar edib. O, partiya sıralarında qaldığını və “mübarizəni hücumun sivri ucunda davam etdirdiyini” vurğulayıb.\\Yenicag.az