Azərbaycan Respublikasının Prezidenti yanında Dövlət İdarəçilik Akademiyasının məzunu Səbinə Zülfiyeva yüksək akademik göstəriciləri və əldə etdiyi mühüm uğurlarla diqqət çəkir.

Təhsil aldığı müddətdə yüksək akademik göstəriciləri və peşəkar inkişaf sahəsindəki nailiyyətləri ilə seçilən məzun PAŞA Holdinqin “Əlaçı” Təqaüd Proqramının qalibi olub və proqramı da fərqlənmə ilə başa vurub.

Səbinə Zülfiyevanın uğurları bununla məhdudlaşmır. O, “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı”nın qalibi olub.

Bununla yanaşı, Səbinə Zülfiyeva dünyanın nüfuzlu təqaüd proqramlarından biri olan Chevening proqramının da qalibləri sırasında yer alıb. 100 mindən çox müraciətçi arasından seçilən 1%-lik qaliblər sırasında yer alan məzun Azərbaycandan seçilən cəmi dörd qalibdən biri olub. Bu uğur ona Birləşmiş Krallığın aparıcı universitetlərindən birində magistratura təhsili almaq imkanı qazandırıb.

Onun əldə etdiyi bu uğurlar yüksək akademik göstəricilərin, məqsədyönlü fəaliyyətin və peşəkar inkişafın uğurlu nəticəsi kimi qiymətləndirilə bilər.