Abşeron rayonu, Xırdalan şəhərində ev almaq istəyən Qusar rayon sakini Təhməz Rəsulov aldadıldığını iddia edir. Dediyinə görə, o, ev üçün 30 min manat ödəyib, amma nə evə sahib olub, nə də torpağın ona aid olduğu təsdiqlənib.
Gender.az xəbər verir ki, Təhməz Rəsulov deyir ki, ötən il özünü daşınmaz əmlak vasitəçisi kimi təqdim edən İrşad Məmmədovla razılığa gəlib. Ona Abşeron rayonu, Xırdalan şəhərində torpaq sahəsi təqdim olunub və bildirilib ki, 40 gün ərzində həmin ərazidə birmərtəbəli, ikiotaqlı ev tikilərək təhvil veriləcək. Bunun qarşılığında isə vətəndaş notarial qaydada 3 dəfəyə, ümumilikdə 30 min manat pul ödəyib.
Təhməz Rəsulov iddia edir ki, həmin gündən telefon zəngləri cavabsız qalıb və vəd edilən tikinti işlərinə başlanılmayıb. Bundan sonra vətəndaş hüquq-mühafizə orqanlarına müraciət edib. Araşdırma zamanı isə daha bir məqamın ortaya çıxdığını deyən şikayətçi bildirir ki, imzaladığı sənəd alqı-satqı və ya tikinti ilə bağlı deyil, borc müqaviləsi kimi rəsmiləşdirilib. Bundan əlavə, ona təqdim olunan torpaq sahəsinin də başqa şəxsin adına olduğu məlum olub.
Məsələ ilə bağlı Daxili İşlər Nazirliyindən bildirildi ki, İrşad Məmmədov barəsində cinayət işi başlanıb. O da bildirildi ki, həmin şəxs ölkəni tərk edib və barəsində axtarış elan olunub. Saxlanılan kimi məsələyə hüquqi qiymət veriləcək.
Ən ağıllı bürclər: Siyahıda neçənci yerdəsiniz?
Bakıda modelin ev almaq üçün topladığı pulu bibisi oğurladı
Əlvida, 24 saat: Yer kürəsində 25 saatlıq günün görünəcəyi tarix açıqlandı
Köçəryan Azərbaycana verilir?..
"Mənim reytinqimi ölçmək sizin işiniz deyil"
Zeynəb Xanlarova övladları ilə... - FOTO
Bu mənzilərə yüksək məbləğdə KOMPENSASİYA VERİLƏ BİLƏR
Azərbaycan-Ermənistan sərhədində ZƏLZƏLƏ
20 iyunla bağlı əhaliyə XƏBƏRDARLIQ
