Gender.Az xəbər verir ki, valiliyin açıqlamasına görə, 1 iyun tarixindən etibarən vilayət ərazisindəki bütün meşəlik sahələrə girişlər qadağan olunub.

Çanaqqala Valiliyi bildirib ki, yüksək temperatur, aşağı rütubət və güclü külək səbəbilə yay aylarında meşə yanğını riski ciddi şəkildə artır. Bu səbəbdən əlavə təhlükəsizlik tədbirlərinin görülməsinə ehtiyac yaranıb.

Rəsmilər vətəndaşlardan hər hansı tüstü və ya yanğın əlaməti gördükləri halda dərhal 112 Təcili Yardım və ya 177 Meşə Yanğın Xəttinə məlumat vermələrini istəyiblər.

Son illərdə yay aylarında Türkiyənin müxtəlif bölgələrində baş verən böyük meşə yanğınlarından sonra bir çox vilayətdə oxşar qadağalar tətbiq olunur./Sfera.az /