Bu ilin ilk 5 ayında Azərbaycanda əmtəəlik elektrik enerjisinin istehsalı ötən ilin eyni dövrü ilə müqayisədə 645,4 milyon kVt/saat və ya 6% azalaraq 10 milyard 141,6 milyon kVt/saat olub.
Gender.Az bildirir ki, Yeniavaz.com açıqlanan rəsmi məlumatlara istinadən xəbər verir ki, istehsal olunan elektrik enerjisinin 86,6%-i və ya 8 milyard 780,5 milyon kVt/saatı İstilik Elektrik Stansiyalarının (İES), 14,4%-i və ya 1 milyard 361,1 milyon kVt/saatı isə bərpa olunan mənbələrinin payına düşüb.

Ötən ilin eyni dövrü ilə müqayisədə İES-lərdə istehsal olunan elektrik enerjisi 12,9% azalıb, Günəş Elektrik Stansiyalarında (GES) istehsal olunan elektrik enerjisi isə 6,2 dəfə artıb.