Tehranda iki küçənin adı təyyarə qəzasında həlak olan İran prezidenti İbrahim Rəisinin şərəfinə dəyişdirilib, bir küçəyə isə onunla birlikdə uçan respublikanın xarici işlər naziri Hüseyn Əmir Abdullahiyanın adı verilib.

Bu barədə Tehran şəhər şurasının mədəniyyət komissiyasının rəhbəri Nərgiz Madanipur məlumat verib.

“Tehranın 15-ci məhəlləsində Bəsic meydanı ilə kəsişməsindən Bəhmən meydanına qədər olan Beesat magistral yolu, həmçinin, Paster küçəsinin şərq hissəsi mərhum prezidentin adını daşıyır. Kuşk küçəsinə isə xarici işlər naziri, şəhid Hüseyn Əmir Abdullahiyanın adı veilib”, – deyə Madanipur qeyd edib.

Mayın 25-də İranın İsfahandakı Nüvə Uran Emalı Mərkəzinin mətbuat xidməti mərkəzin respublikanın mərhum prezidentinin adını daşıyacağını açıqlayıb. \\Konkret.Az