Aleksandr Şeps insanları kasıb edən, ruzinin qarşısını alan müəyyən vərdişlərin siyahısını tərtib edib.

"Hurriyyet.Az" “Ölkə.Az”-a istinadla xəbər verir ki, ekstrasens Şeps bu siyahını rəsmi səhifəsində dərc edib.

Aleksandr iddia edir ki, əgər bu 6 vərdişi tərgitsək, rifahımızı yaxşılaşdıra bilərik.

Siyahını “Ölkə.Az” oxucularına təqdim edirik:

Əgər insan daim pulsuzluqdan və ya bədbəxt olduğundan  şikayət edirsə, bu zaman onun şüurunda neqativlik yaranır və bu onu bədbəxtliklərə və pulsuzluğa aparır.

Bədbəxtçiliyi haqqında kiməsə danışan insan özünü neqativə kökləyir. Çoxdan isə məlumdur ki, söz və fikir maddiləşir. Həyatından şikayət edən insan daha da bədbəxt olur. Çünki pis şeylər düşünür və mənfi enerji ilə yüklənir.

Pul qazanmaq və yaxşı yaşamaq üçün səy göstərmək lazımdır. Kasıb isə birdən varlanmaq istəyir. İşdən qorxan, əlavə zəhmətdən, səhv və riskdən çəkinən insan heç vaxt varlana bilməz. Yada salmaq lazımdır ki, heç nə elə-belə əldə edilmir.

Aleksandr Şeps iddia edir ki, sizi qəti maraqlandırmayan və sizi şad etməyən sahədə fəaliyyət göstərmək sizə uğur gətirməz. Rifah və pul üçün sizi şad edən işdə çalışmaq lazımdır. Ancaq bu halda insan daha yüksək qazanca can atacaq və varlanacaq.

Paxıllıq insanı daxildən parçalayır, xəstəlik və tənhalığa sürükləyir. Başqa insanın uğuruna paxıllıq etmək insanı mənfi enerji ilə yükləyir. Belə insan fəaliyyətsiz qalır və planlarını reallaşdıra bilmir.

Müəyyən şeylər var ki, onlara qənaət etmək olmaz. Məsələn, sağlamlıq, uşaqlar və təhsil. Bundan başqa ancaq ucuz əşya və ərzaq almaq vərdişindən də qurtulmaq lazımdır. Hər qəpiyin üstündə əsən insan pullu ola bilməz.

İnsan vaxtını özü idarə etməlidir. Vaxt insanı idarə edə bilməz. Həyatının vaxtını mənasız sərf edən insanın heç vaxt çox pulu ola bilməz. Əgər işləriniz varsa, vaxt itirməyin, reallaşdırın.

Bəzi insanlar isə daim uyğun zamanı gözləyirlər və planlarını indi reallaşdırmadıqları üçün səbəb axtarırlar. Məsələn, öz biznesini qurmaq istəyən insan daim vaxt gözləyir. O, işə başlamağa qərar verə bilmir. Gah deyir mövsümü deyil, gah deyir təmir bitməyib, gah da deyir ki, kredit verilməyib. Amma bu uyğun vaxt nəsə yetişmir.

Əgər hədəf varsa, indi başlayın, gözləməyin.