Bu barədə “Reuters” öz mənbəsinə istinadən məlumat yayıb.

Agentliyin həmsöhbətinin sözlərinə görə, yeni mağaza ərəb ölkəsinin diplomatik məhəlləsində yerləşəcək. O, səfirlik və konsulluq işçilərinə xidmət göstərəcək və yalnız qeyri-müsəlmanların girişinə icazə veriləcək. Alkoqollu içki almaq üçün müştərilər mobil proqramda qeydiyyatdan keçməli, Xarici İşlər Nazirliyindən icazə kodu almalı və aylıq alış kvotasını aşmamalıdır.

Digər qeyri-müsəlman əcnəbilərin oradan alış-veriş edə bilməyəcəyi barədə hələlik heç bir məlumat yoxdur.

Qeyd edək ki, Krallığın spirtli içkilərə qarşı sərt qanunları var, qanunu pozanlar qamçılanır, cərimələnir və ya həbs edilir, xarici vətəndaşlar isə deportasiya ilə üzləşirlər. Əvvəllər spirt yalnız diplomatik poçt vasitəsilə və ya qara bazarda alına bilərdi.

Səudiyyə Ərəbistanında rəsmi içki mağazasının açılması ultra-mühafizəkar müsəlman ölkəsinin turizm və biznesə açılmasında növbəti addım olacaq. Ölkə həmçinin Səudiyyə taxt-tacının varisi Məhəmməd bin Salman əl Səud tərəfindən təsdiqlənən iddialı “Vizyon 2030” planını həyata keçirir. Şahzadə ölkədə post-neft iqtisadiyyatı qurmaq və özəl sektoru inkişaf etdirmək niyyətindədir. \\Qafqazinfo