"Nə üçün insanlar hədsiz gözəl olmaq istəyir? Eybəcər adam var? Mən üzümdə heç nə etdirməmişəm? Elə şeylərin sonradan ziyanı olur".

Bu sözləri Əməkdar artist Şəbnəm Tapdıq "Elgizlə izlə" verilişində deyib. Müğənni plastik əməliyyat etdirənlərdən danışıb. O bildirib ki, qadınların plastik əməliyyat etdirməsi yersizdir.

İfaçı aparıcı Elgiz Əkbərin "Ərə getmək istəməy qızlara nə demək istəyirsiniz" sualına əsəbiləşib:

"Heç xınanın yeridir, get, onlardan soruş. Ərə getmək istəməyən özü bilər. Bir dairəyə top atmısınız, fırlanıb gəlir mənə. Verilişə gəlməzdən əvvəl prodüserə bildirdim ki, bir dənə artıq-əskik sual verməyin. Elə xanımlar var ki, alanı çoxdur getmək istəmir. Həmin xasiyyətdən biri də mənəm. Üniversitet vaxtları nələr oldu, dedim, yox. Mən bir qadın kimi özüm öz ayaqlarımın üstündə dayanıram".

Ş.Tapdıq aparıcı Pərvanə Tahirqızının "Bəs, sevgi" sualına "Hansı sevgidən danışırsan? Bu qədər evlənən var, niyə ayrılırlar? Heç kimin ixtiyarı yoxdur, desin, sən niyə ərə getmirsən? Mənəviyyatı təmiz insanlarla işiniz olmayın. Gedin, bu sözü eləsinə verin ki, sən niyə bu qədər adamla gəzirsən? O gün bir xanımla tanış olmuşam, deyir, qardaşım sənin üçün ölürdü. Cavab verdim ki, gözüm aydın. Sərt xasiyyətli qadınam, evim, maşınım var, nə edirəm kişini. Əsəblərimlə oynasın?" cavabını verib. \\Ölkə.az