Bunu yazıçı Günel Mövlud deyib.

N.Mövludun sözlərinə görə, Norveçdə yaşlıların təqaüdü imkan verir ki, onlar bahalı kitablar alsın: “Biletləri 50-100 avro olan şeir gecələrində, ədəbi görüşlərdə, konsetlərdə iştirak etsin. VİP yerləri alsın. İldə azı 4-5 ölkəyə səfər etsin. Bərbərə, manikürə, massaja pul xərcləsin. Axşamlar bahalı restoranlarda dostları ilə görüşsün. Amma bu hamısı deyil. Bütün bunları edə bilmək üçün təkcə pul lazım deyil. Həm də zövq, həvəs, özünə və öz bədəninə, istəklərinə hörmət lazımdı. Səyahəti və əylənməyi bacarmaq lazımdı. Norveç qocaları əylənməyi, səyahəti, oxumağı, aktiv sosial həyat sürməyi xoşlayırlar. Bacarırlar. Bizim yaşlılar kimi öz üstlərindən xətt çəkməyiblər. Həyatla, sənətlə, hobbilərlə vidalaşmayıblar”.

Yazıçı qeyd edib ki, altı ildir orada müxtəlif festivallarda, tədbirlərdə şeirlər, romandan parçalar oxuyur: “Tədbirlərə biletlər 50 avrodan aşağı olmur. Adətən, gələnlərin 60-70 faizi yaşlılar olur, çünki belə bahalı biletləri almaq imkanı ancaq onlardadır”. \\Pravda.az