SSRİ marşalı, İkinci Dünya müharibəsinin məşhur hərbçilərindən biri olan İvan Baqramyanla bağlı illərdir danışılan maraqlı bir əhvalat yenidən diqqət çəkib. Azərbaycanın qədim kəndlərindən biri olan Çardaxlıda baş verdiyi deyilən söhbət həm tarixi, həm də milli münasibətlər baxımından maraqlı detalları ilə yadda qalır.

Gender.az NOCOMMENT.az-a istinadla sözügedən əhvalatla bağlı maraqlı faktları təqdim edir.

Kənd sakinləri ilə söhbət zamanı ona maraqlı bir problem barədə şikayət edirlər. Deyirlər ki, kənddə oğlan azdır, qızlar ailə qura bilmir, bir çoxu yaşa dolur.

“Ətrafda bu qədər müsəlman kəndi, yüzlərlə oğlan var. Erməni qızlarını onlara verə bilmirsiniz? Uşaqları olandan sonra hamısı bizimki olacaq...”.

Qeyd edək ki, Çardaxlı kəndi sovet dövründə hərbçiləri ilə məşhur olub. Bu kənddən SSRİ ordusunda yüksək rütbəyə yüksələn çox sayda erməni zabit çıxmışdı.

Baqramyan müharibə zamanı Kiyevin müdafiəsi, Kursk döyüşü, Belarus əməliyyatı və Baltikyanı ölkələrin azad edilməsi kimi mühüm hərbi əməliyyatlarda iştirak edib. O, müharibə dövründə cəbhəyə ("Front"a) rəhbərlik edən azsaylı qeyri-slavyan generallardan biri idi.

Ermənistanda Baqramyan milli qəhrəman kimi təqdim edilir. Onun adına prospektlər, metro stansiyası, hərbi hissələr və mükafatlar təsis olunub.

Azərbaycan ictimaiyyətində isə Baqramyan daha çox Çardaxlı kəndindən çıxmış erməni hərbçi və sonradan Ermənistanın milli simvollarından birinə çevrilmiş şəxs kimi tanınır.