"İlk dəfədir qardaş ölkəyə, Bakıya gəlirəm. Burada olmağımdan çox məmnunam. Bakıda yaşayan bir çox dostlarım var. Ümid edirəm ki, çox qısa bir zamanda birgə istehsal olan filmlər, seriallar çəkərik".

Bu sözləri türkiyəli aktyor Berk Oktay Türkiyə-Azərbaycan Türk film günlərinin açılış mərasimində jurnalistlərə açıqlamasında deyib. O, Azərbaycan Milli Qəhrəmanı Mübariz İbrahimovu canlandırmaq istədiyini vurğulayıb:

"Bakını çox bəyəndim. Şuşanı da görmək istərdim. Mübariz İbrahimovu həyatından bəhs edən film olsa, kaş ki, onu mən canlandırardım. Qürurla, böyük həvəslə bunu edərəm. İndi danışanda belə tüklərim biz-biz olur”. \\Ölkə.az