Putinin atası 1999-cu ilin avqustunda xərçəng xəstəliyindən vəfat edib.

Jurnalistlər Roman Badanin və Mixail Rubin “"Öz adamının padşahı"” adlı yeni kitabında Vladimir Putinin həyatında az məlum olan epizodları, o cümlədən ailəsi ilə bağlı olanları açıqlayırlar.

Gender.Az Lent.az-a istinadla xəbər verir ki, “Bild”in yazdığına görə, belə epizodlardan biri gələcək prezidentin atası Vladimir Spiridonoviçin son günləri ilə bağlıdır.

O, 1999-cu ilin avqustunda 88 yaşında xərçəng xəstəliyindən vəfat edib.

Putinin atasının ölümündən əvvəl artıq siyasi hakimiyyətin astanasında olan oğlu ilə danışmaq üçün son şansı olub. Kitabın müəlliflərinin yazdığına görə, həmin anda Spiridonoviç Vladimirə oğlu dövlət başçısı olanda yerinə yetirilməli olduğunu düşündüyü iki vacib "təlimat" verib.

İlk istək Krıma aid olub: atası yarımadanın "bir gün Rusiyaya qayıtmasını" istəyib. Qeyd olunur ki, onun bu regionla əlaqəsi İkinci Dünya müharibəsi zamanı Sevastopoldakı Qara Dəniz Donanmasında zavodda işlədiyi və sualtı qayığa çağırıldığı zaman xidmətlə izah olunur. Qeyd edək ki, Rusiya 2014-cü ildə beynəlxalq hüququ və Ukraynanın ərazi bütövlüyünü pozaraq Krımı işğal edib.

İkinci arzu isə dövlət himni ilə bağlı olub. Spiridonoviç SSRİ-nin dağılmasından sonra ləğv edilmiş köhnə sovet himni üçün “darıxıb”. Artıq prezidentliyinin ilk illərində Vladimir Putin Boris Yeltsinin məsləhətinə zidd olaraq sözləri yenilənsə də, köhnə melodiyanı bərpa edib. 2000-ci ilin dekabr ayından etibarən "Rusiya Federasiyasının himni" tanış sovet musiqisi ilə müşayiət olunur.