Rusiyanın Altay Respublikasında spirtli içkilərin və tütün məmulatlarının satışına məhdudiyyət qoyulacaq.

Bu barədə regionun rəhbəri Andrey Turçak məlumat yayıb.

Onun sözlərinə görə, respublikada ölüm göstəricisi doğum göstəricisini üstələyir:

“Əsas səbəblər xarici, o cümlədən sərxoş vəziyyətdə sürücülük qəzaları və zəhərlənmələr, ilk növbədə alkoqolla əlaqəli, o cümlədən tibbi səbəblər, məsələn, qan dövranı xəstəlikləri və xərçəng”..

Respublikanın hakimiyyət orqanları spirtli içkilərin satışını həftə içi səhər saat 11:00-dan 19:00-a, cümə günləri isə saat 16:00-a qədər məhdudlaşdırmağı təklif edir. Həftə sonları və bayram günlərində spirtli içkilərin satışına tam qadağa qoyulması təklif edilir. Çoxmənzilli binalarda, uşaq bağçaları və məktəblərin yaxınlığında spirtli içki mağazalarının və spirtli içkilərin pərakəndə satışının qadağan edilməsi də nəzərdə tutulub. Alkoqol və tütün məmulatlarının mağazalardakı kassaların yanında açıq şəkildə nümayişi qadağan ediləcək.

Qeyd edək ki, Voloqda vilayəti Rusiyada spirtli içkilərin satışını əhəmiyyətli dərəcədə məhdudlaşdıran ilk bölgələrdən biri olub. 2024-cü ilin noyabrında yerli qanunvericilik məclisi qubernator Georgi Filimonovun təklifi ilə satışları həftə içi iki saat - 12:00-dan 14:00-a qədər məhdudlaşdıran qanun qəbul edib. 2025-ci il iyulun sonunda “Krasnoe & Beloe” mağazalarında spirtli içkilərin satışı tamamilə dayandırılıb. \\Yeniavaz.com