Dünyanın ən iri qəhvə şəbəkələrindən biri olan "Starbucks" biznes strategiyasında mühüm dəyişikliklərə gedir.
Şirkətin baş icraçı direktoru Brian Niccol əməkdaşlara göndərdiyi məktubda açıqlayıb ki, 1 milyard dollarlıq restrukturizasiya proqramı çərçivəsində Şimali Amerikada filialların 1%-i bağlanacaq, 900 korporativ işçi ixtisar ediləcək və növbəti il ərzində 1 000-dən çox mağaza yenilənəcək.
Filialların bağlanması və işçilərin taleyi
Şirkət dəqiq hansı filialların bağlanacağını açıqlamasa da, ilin sonuna ABŞ və Kanadada ümumilikdə 18 300 mağaza ilə fəaliyyət göstərəcəyini bildirib. "Starbucks" bağlanacaq mağazalarda çalışan işçiləri ya digər filiallara yönləndirməyi, ya da tam kompensasiya paketi ilə təmin etməyi planlaşdırır.
Niccolun məktubunda qeyd olunur ki, ümumilikdə 900 qeyri-pərakəndə işçi işdən azad olunacaq. Bu qərar fevral ayında həyata keçirilən və 1 100 nəfərin işdən çıxarılması ilə nəticələnən ilk ixtisar mərhələsindən sonra ikinci böyük dalğadır.
Şirkət həmçinin 1 000-dən çox filialın interyerini yeniləməyi planlaşdırır. Brian Niccolun sözlərinə görə, dəyişikliklər müştərilərə “daha isti atmosfer, daha təbəqəli və zəngin dizayn təcrübəsi” təqdim etməyi hədəfləyir.
"Starbucks"ın səhmləri xəbərin açıqlanmasından sonra qısa müddət sabit qalsa da, 1,2% ucuzlaşma qeydə alınıb. Şirkət son 6 rübdə ardıcıl olaraq satışların azalması ilə üzləşib, sonuncu hesabat dövründə isə qlobal satışlar 2% azalıb.
Qeyd edək ki, Brian Niccol 2024-cü ilin avqustunda "Starbucks"ın CEO-su vəzifəsinə təyin olunub. Ondan əvvəl o, Chipotle restoran şəbəkəsinin rəhbəri olub. Niccol-un rəhbərliyi ilə şirkət “Back to Starbucks” adlı uzunmüddətli strategiyanı həyata keçirir. Maliyyə direktoru Cathy Smith bu planı “çoxillik səylər” adlandıraraq qeyd edib ki, "Starbucks" müştəri təcrübəsini gücləndirmək üçün öz əsaslarını yenidən qurur. \\Valyuta.az
DİQQƏT: Bu şəxslərin "prava" almaq hüququ məhdudlaşdırıla bilər...
Məhkəmə İftixar Piriyevlə bağlı QƏRAR VERDİ
Bakıda və bölgələrdə güclü külək əsəcək
1970-ci ildən davam edən miras mübahisəsi - 55 ildir bitməyən mübarizə
Oktyabr çağırışı üzrə xidmət yerləri açıqlandı
Meteohəssas insanlara sabahla bağlı XƏBƏRDARLIQ
Paytaxtda 20 istiqamətdə tıxac var - Siyahı
İmişlidə toyda zəhərlənənlərin sayı 74-ə çatdı
