Gender.Az modern.az-a istinadən xəbər verir ki, məhkəmənin qətnaməsi sosial şəbəkəyə hansı hesabların bloklandığı haqqında məlumatı dərc etməyi qadağan edir və tələblərin yerinə yetirilməməsinə görə gündə təxminən 16 min funt sterlinq miqdarında cərimə nəzərdə tutur (təxminən 20 200 ABŞ dolları).

Şənbə günü axşam saatlarında Mask “X” sosial şəbəkəsindəki paylaşımında hakim Aleşandre de Moraesi Braziliya Konstitusiyasına və xalqına xəyanət etməkdə ittiham edib.

“Bu hakim böyük cərimələr tətbiq edib, əməkdaşlarımızı həbs etməklə hədələyib və Braziliyada “X” platformasına çıxışı bağlayıb. Nəticədə, çox güman ki, Braziliyada bütün gəlirləri itirəcəyik və ofisimizi bağlamağa məcbur olacağıq. Lakin prinsiplər gəlirdən vacibdir”, - deyə paylaşımda qeyd olunur.

Milyarder mümkün olan yerdə “X” hesablarının bloklanması haqqında əmrə hüquqi şəkildə etiraz etməyi vəd edib.

Buna cavab olaraq, Moraes Mask ilə bağlı istintaqa başlamaq əmri verib. O deyib: “X” artıq istənilən çıxarılmış məhkəmə qərarına tabe olmamaqdan, o cümlədən Ali Məhkəmə tərəfindən bloklanmış profilin təkrar aktivləşdirilməsindən çəkinməlidir”.

Ötən il Braziliya Prezidenti Lula da Silva təklif olunan internet tənzimləmə qanun layihəsini tənqid edən kampaniyaya rəhbərlik edən “Telegram” sosial mesajlaşma platforması və “Alphabet” şirkətinin rəhbərləri ilə bağlı araşdırma aparmaq əmri verib. Qanun layihəsi internet şirkətlərinə, axtarış sistemlərinə qanunsuz materialları məhkəmələrin baxılmasına verməmək, onlar haqqında məlumat vermək vəzifəsini qoyur. Bu vəzifənin yerinə yetirilməməsinə görə böyük cərimələr tətbiq ediləcək.